شەفەق نیوز/ فرووشتن دۆلار بانک ناوەندی عراق، وەماوەی تەنیا سێ ڕووژ بە هەفتەی گوزەشتە لە 894 ملیۆن دۆلار رەد کرد.
پەیامنێر ئاژانس شەفەق نیوز وت: بڕ فرووشەیل دۆلار لەلای بانک ناوەندی عراق لە هەفتەی گوزەشتە، لەو سێ رووژە کە زیایکردنەگەی واز کرد رەسیە 894 ملیۆن و662 هەزار و721 دۆلار، وەڕیژەی رووژانەی 298 ملیۆن و220 هەزار و907 دۆلار.
ئی فرووشەیلە وەچەو هەفتەی وەرجەیە داوەزیاس، کە فرووشەیلی رەسیە یەک ملیار و434 ملیۆن و982 هەزار و505 دۆلار.
وتیش: بەرزترین فرووشەیل دۆلار رووژ یەکشەممە بوی، کە رەسیە 308 ملیۆن و18 هەزار و326 دۆلار، و لە رووژ سێشەممە، کەمترین فرووشی توومار کرد کە رەسیە 287 ملیۆن و810 هەزار و781 دۆلار.
پەیامنێرمان وتیش: فرووشەیل هەواڵەی دەرەکی خاوەن بەرزترین ریژە بوی لە بڕ فرووشەیل، کە رەسیە 841 ملیۆن و712 هەزار و721 دۆلار، کە بوودە 94% لە بڕ فرووشەیل، و فرووشەیل کاش رەسیە 52 ملیۆن و950 هەزار دۆلار.