شەفەق نیوز/ سەرچەوەیگ ئەمنی، ئمڕوو شەممە، خەوەردا لە خوەیکوشتن گەنجیگ لە بەغدای پایتەخت، کە هەمیش پەلاماردان ماڵ ئەندامیگ ئەمنی وەخوەی دی.
سەرچەوەگە ئەرا ئاژانس شەفەق نیوز وت: گەنجیگ لەداڵگبوی ساڵ 2006 وە گولەی دەوانچە لەناو ماڵەگەی لە ناوچەی جیهاد خوەی کوشت، و مدووەیل خوەیکوشتنی ئاشکرا نەویە.
سەرچەوەگە وتیش/ کەسەیلیگ پەلامار ماڵ مفەوزەیگ لە پاسەوانی دامودەزگایل دان و تەپڵ لە ماڵەگەی کردن، و بومب مولوتۆف ئەرای وەشانن، لە ناوچەی حەی کووفە لە حەی ئوور باکوور خوەرهەڵات بەغداد، وەبی زەرەد گیانی.
سەرچەوەگە دیاری کرد کە ئەو ئەندام ئەمنیە سکاڵا لەبان ئەو کەسەیلە توومار کرد کە خوەی ناسێدەیان.