شەفەق نیوز/ لەناو جەرگەی بەغداد پایتەخت، کە کەلەپوور وەگەرد راسیانە تیکەڵ بوود، ناوچەی بەتاوین دیار دەێد، جویر یەکیگ لە گەڕەکەیل پایتەخت عراق، کە تام جارانی دیرێد.
وەلێ کامیرایل ئاژانس شەفەق نیوز وینەیلیگ تایبەت گردن، کە سیمای زیانداریگ ئەرای بینایەیل کوینە لە شیوەی "شەناشیل" بەغدادی نشان دەن، (جویر بالکۆنیگ لە قاتەیل بانین ماڵەیل دیار دەن، و لە ماڵەیل هاوسایل وەرانوەر کەفنە روی یەکترەک) کە تەمەنیان رەسێدە نزیکەی سەد ساڵ، بوینەسە کەلاوەی چووڵ، کە نزیکن لە رمیان، و یەیش نشان ئەو پەراویزخستن وەردەوامە دەێد ئەرا ئی سیمایل میژوویە، کە بەشیک سەرەکی لە ناسنامەی بەغداد دروس کەن.
ئی وینەیلە، هەمیش وە ئاشکرا نشان کە ئەو بینا و ماڵەیل کوینە کە هیمایلیگ لە بەغداد بوین چە وەپییان هات، کە دینیان بەزەیی تیەرێد، هەرچەن میژوو کوینە دیرن، هویچ دەسکاری و خاسەوکردنیگ ئەرایان نییە، کە کەفنە ژیر هەڕەشەی فەوتیان، بیجگە ئەو گەناڵخە و زواڵە کە پر کویچەیلیان کردگە.
جاران بەتاوین شوینیگ ئەرا چەن مەردمیگ بویر جویر مەسیحییەیل و یەهودیەیل، بیجگە موسڵمانەیل، کە لە گەڕەکەیل کەشەدار بەغداد دریادە قەڵەم، کە نموونەیگ ئەرا وەیەکەوژیان بوی.
ئی وینەیلە بوونە بەڵگەیل ژنی ئەرا پەراویزخستن بیناسازی لەناو جەرگەی بەغداد، کە ئەو بینایلە کوینە کە بەشیگ لە ناسنامەی شارەگە بوین، ئمڕوو بوینەسە نشانەیگ ئەرا میژوویگ گومابوی.
هەمیش بڕ ئەو رخداریە نشان دەێد کە هەڕەشەی ئی سیمایل میژوویە کەن، کە توانای دووارە سازین سسمایەیل پایتەخت داشتن، ئەگەر گرنگی وەپییان بویاتاد.
جی باسە کە نازپەب بەتاوین لە 29ی میسان 2024، کەفتە ژیر ئۆپراسیۆنیگ ئەمنی و خزمەتگوزاری کە فراوانترە وەماوەی وەرجە چەن ساڵیگ، و بەتیە لە سەر جەهانیگ ژیروەژیر ئەرا لەشفرووشی و دروسکردن و بازرگانیکردن وە هووشبەری و تاوان کەنی.