شەفەق نیوز/ سەرچەوەیگ ئەمنی، ئمڕوو یەکشەممەڕ خەوەردا لە خوەیکوشتن دویەتیگ لەداڵگبوی ساڵ 2011 لە ناوچەی شارع فەلەستین ناوڕاس بەغداد پایتەخت.
سەرچەوەگە ئەرا ئاژانس شەفەق نیوز وت: دویەتەگە لەبان خانگ مالەگە نەفت رشانیەسە بان خوەی و خوەی ئاگر داگە.
سەرچەوەگە دیاری کرد کە لایەنەیل ئەمنی لێکۆڵینەوە ئەرا رەسین وە بندروس رویداوەگە واز کردن چویاکا گومان لەلی دیرن.
یە پەنجەم خوەیکوشتنە لە بەغداد وەماوەی 24 ساعەت گوزەشتە.
بەغدادر شەو شەممە، چوار خوەیکوشتن یا تەقەلای خوەیکوشتن توومار کرد.
وەگورەی سەرچەوەیگ ئەمنی، گەنجیگ لەداڵگبوی ساڵ 2001 لەبان پیەڵ 14ی رەمەزان خوەی خستە ناو چەم دیجلە، و تەرم خوەنەواریگ ئامادەیی لەداڵگبوی ساڵ 2005 لەناوچەی غەزالیە پەیا کریا، کە لەناو ژوورەگەی خوەی داسە سێدارە.
لە رویداویگ ترەک، گەنجیگ لەداڵگبوی ساڵ 2006 لە جادەی جەمهوریە وە بەنزین خوەی سزان، و رەسیە خەسەخانەی شار پزشکی و تەندروسیی سەختە.
وەیەوە شمارەی خوەیکوشتن زەختوەی یەک رووژ رەسیە پەنج.