شەفەق نیوز/ سەرچەوەیگ ئەمنی لە دیالە، ئمڕوو دووشەممە، خەوەردا لە دەسگیرکردن مناڵیگ پەنج ساڵان کە ئاگر لە دوکانیگ کەرەستەیل بیناسازی وەردایە.
سەرچەوەگەوە ئاژانس شەفەق نیوز وت "ئاگر لە دوکانیگ کەرەستەیل کاەبایی و بیناسازی هیزگردیە لە شار بەعقوبە، لەدویای وەدویاچگن کامیرەیل چەودێری دەرچگە مناڵیگ ئاگر وەردایە لە دوکانەگە".
وتیش "پۆلیس کەفتیەسە شوین مناڵەگە و دەسگیری کردیە، دەرچگە تەمەنی پەنج ساڵە ئەرا لێکۆڵینەوە راگیریاس تا بزانرێد ئاگر کردنەوەگەی لە ئەنجام دەسکاری بویە یا کەسیگ گالی داس".