شەفەق نیوز/ سەرچەوەیگ ئەمنی لە کەرکوک، ئمڕوو دووشەممە، خەوەردا کە ماڵیگ لە پارێزگاگە کەفتیەسە وەر دزیکردن، وە دەس دوو ژن پڕتاڵ خانمە فەرمانبەرەیل سەرژماری دانیشتگەیل کردنەسە وەر.
سەرچەوەگە ئەرا ئاژانس شەفەق نیوز وت: دوو ژن توومەتبار وە دڵنگ خانمە فەرمانبەرەیل سەرژماری گشتی دانیشتگەیل و ئامێر ئایپاد وەدەسیان بویە، پەرد بوینەسە ناو ماڵیگ لە ناوچەی نەسر لە پارێزگای کەرکوک، وەسنگ تەواوکردن ریکارەیل سەرژماری.
سەرچەوەگە وتیش: ئەو دوو خانم توومەتبارە دەس لە ژن ماڵەگە وەشانە و بیهووشی کردنە، و بڕ شەش ملیۆن دینار دزینە، و وەرەو شوین نادیاریگ واینە.