شەفەق نیوز/ بەریتانیا ئەرا یەکەمینجار جویریگ سەگ لێکدریاگ لە هەردووگ جویر كۆكر سپانیێل و لاپرادۆر پاش راهێنان وەکارهاوردیە، ئەرا ناساندن ئەو بیماری رخدارە تویش 150 جویر رووەک بوود.
سەگ “ئیفۆر” توەنێد لەرێ بوونکرد كەڕووی “ڤیتوافسۆرا رامۆرۆم” ئاشكرابکەێد كە هاتێ زەرەد گەپیگ وە رووەک بڕەسنێد و بوودە هووکار مرداریان لەوانەیش جویر درەخت "لاریكس" كە وە گرنگ دانرێد لە بەرهەمهێنان تەختەدا.
سەگەگە وەلایەن رێكخریاگ (Canine Assisted Pest Eradication) راهێنریاس، لە یەكەم تاقیكردنەوە توەنست كەڕووەگان لە گڵ، ماددەی رووەكی و ئاوی دڵۆپێندراوی پاک دیاریبکەێد.
لە قۆناغ دویەمیش توەنست جیاوازی ناوەین کەرووەگان “ڤیتوافسۆرا رامۆرۆم” و جویرەیل ترەک کە بوونە هووکار بیماری ترەک رووەک بکەێد.
لەو تاقیكردنەیلە كە تیم (Forest Research) ئەنجامیدایە، سەگەگە رێژەی سەركەفتن رەسیە 89% لە ئاشكراكردن هووکارەیل بیماری رووەك و درەختەیل.