شەفەق نیوز/ سەرچەوەیگ وەرپرس لە پولیس پارێزگای سەڵاحەدین، ئمڕوو یەکشەممە، خەوەردا لە دەسگیرکردن داواکریاییگ وە توومەت تیرۆر، و قاچاخکاریگ ماتووڕسکڵ لە باشوور پارێزگاگە.
سەرچەوەگە ئەرا ئاژانس شەفەق نیوز وت: هیزیگ هاوبەش، دویای رەسین جیوەجیکردن فەرمان دەسگیرکردن لەبان ری گشتی نزیک خاڵ باشووری دجێل، توەنستن توومەتبار (ف. ع. ح) لەداڵگبوی ساڵ 1989 دەسگیر بکەن.
سەرچەوەگە وتیش: ئەو کابرا دەسگیر کریا چوینکە فەرمان دەسگیرکردن وەگورەی مادەی 4/تیرۆر لەبانی دەرچگە، و دریا دەس لایەنەیل پەیوەندیدار.
سەرچەوەگە وتیش: هیزیگ لە فەوج فریلک6لە بنەمای زانیاری هەواڵگری ماشینیگ مارکەی رینۆ تر لە رەنگ کەو شمارەی سلێمانی وسان، رانندەگەی وەناو (م ع ع) لەداڵگبوی ساڵ 1975 خەڵک بەغداد/ کازمیەر کاسپکارە، قاچاخی وە ماتووڕسکڵ دەسدوو کەێد، کە شمارەیان 63 ماتووڕسکڵە، وەگەرد کەرەستە و تایەر وەبی مووڵەت فەرمی.
سەرچەوەگە دووپاتیش کرد کە ماتووڕسکڵەیل لە ژیر تایەرەیل شاردوێدەو، و گشت ئەو چشتەیلە وەگەرد رانندەگە دریانە بەش دژەتاوان لە دووزخورماتوو وەگورەی مادەی 240 لە یاسای سزادان عراقی.