کوڵە چیرووک
ڕووژێ لە ڕووژان وەشوون کەفتیگ وەگەردرڕێ نیشاندەر زانای چینەڕا سەفەر، شەویگ لە ماڵ ژنێ کە چادر بۊچگێ و چەن گلە مناڵ داشت ڕووژا کردند و لە شیر تەنیا بزنێ کە داشتن خواردن وەشوون کەفتیگە هۊر کرد کە خوەزەو بتۊەنسیاد میەتیان بێیەێ، وەختێ ئی قسە وەتە رێ نیشاندەرەگەی ئەو دۊای یەگ گڕێ ساتیا برد جواوی دا و وت : "ئەگەر وەڕاسی توای میەتیان بێیەی هەڵگەردیەوا بزنەیان بکوش.!"
وەشوون کەفتێ سەرەتا فر ئەڵاجەوی هات وەلێ چۊن کە بەقا وە رێ نیشاندەرێ داشت لە ناو تیەریکی شەو بزنەیان کوشت .
ساڵەها ویەرد و رووژێ وەشوون کەفتێ و رێ نیشاندەر چینە ناو شار جوانێ مێنەێ بازەرگان گەوراێ شار کردن کە ژنێگ بی وەپرتاڵەیل گران قیمەت و وەردەسەیەیل و نان خوەرەیل فرەیگ وە دەورێ.
وەختێ ڕاز سەر کەفتنێ لە لێ پرسیار کردن، ژنەگە وەت: ساڵەیل ویەردە مە تەنیا یەی بزن داشتم کە یەی شەوەکیان دیم مرداڵا بییە، ناچار بیمن ئەڕا بژیوی زنەی هەرکام کارێ کردیم، مناڵ گەوراگەم یەی زەۊیگ لەو نزیکە دیا، مناڵ ترەکم کەنگەێ لە زیوەرئاڵات گران قیمەت دیا و ئەواکە وەگەرد تایفەێ ترەک دەس کردە کاڵا سەنن و فرەتن ....وەشوون کەفتێ زانست هەرکام لە ئیمە بزنێ دیریم و قانا بۊن وە پێ وەربەسیگ ئەڕا چۊزە کیشاین و گەورا بۊن و ئاڵشتمانە بایەس ئەڕا ڕەسین وە سەرکەفتن و ئاڵشت بوین خاستر یەسە کە سەریا بووڕی.
هەڵگەردان سادق جەلیلیان