شەفەق نیوز/ میسال ئالووسی سیاسەتمەدار عراقی، ئمڕوو جمعە، هوشداری دا کە ئیران تویش عراق بارێد وەناو رەوشەیل سوریا، و سەری بخەێدە تا ئەو جەنگە ناوەین سوپای رژیم و باڵە چەکدارەیل، کە دەسنانە بان ناوچەیل فراوانیگ لەناو سوریا.
ئالووسی لە پۆستیگ لەبان ماڵپەڕ ئێکس نویسان: جەنگ ناو سوریا دروسبوین شیوەیگ نیشتمانپەروەری عراقی بەرژەوەنیدار وەدیهاورد، کە وە سادەیی خوەی، هەڵپڕکیان لایەنگرەیل ئیران لەناو حکومەت عراق رسوا کرد.
وتیش: ئی کارە تەمایل ئیران ئەرا مقیەتیکردن خوەی وە تویشهاوردن عراق لەناو سوریا جویر قەڵغانیگ ئەرا قایمکردن لایەن ئیرانی رسوا کەێد، کە لەناو سوریا رمیاس.
هەرلیوا، بڕیارە ئمڕوو جمعە، گردەوبوینیگ سێیانی (عراقی - سوری - ئیرانی) وەڕیەو بچوود، ئەرا باسکردن لە کاریگەرییەیل زویوەزوی ئەمنی لەناو سوریا، و کاریگەرییەیلی لە گشت ناوچەگە.
گردەوبوینەگە هەرلە عەباس عراقچی وەزیر دەیشت ئیران، و بەسام سەباغ وەزیر دەیشت سوریا، و فوئاد حسێن وەزیر دەیشت عراق گرێدەو.
عراق ئامادەباشی سەربازی بەرزەو کرد، و پاڵپشتیکردن سەربازی بڵاو کرد، لە سوپا و حەشد شەعبی وەدرویژایی پارچەی سنووری وەرد سوریا.