شەفەق نیوز/ وەزارەت پەروەردەی عراق، ئمڕوو یەکشەممە، وادەی تاقیکردنەوەی نیمەی ساڵ و تاقیکردنەوەی کۆتایی ساڵ پۆلە کۆتایی و ناکۆتایەیل (خول یەکەم) ئەرا تاقیکردنەوەیل بەرایی خوەنەوارەیل دەرەکی ساڵ 2024 / 2025 گشت قۆناغەیل خوەنین راگەیان.
وەزیر پەروەردە ئیبراهیم ناموس جبوری لە بەیاننامەیگ رەسیە ئاژانس شەفەق نیوز راگەیان، تاقیکردنەوەیل زاراکی هەفتەیگ وەرجە تاقیکردنەوەیل نویسینەکی دەسوەپی کەێد لە وەخت دەوام فەرمی.
وەزیر دیاریکرد، رووژ 13 کانوون دویەم ساڵ 2025 تا رووژ 21 هەمان مانگ وەخت وەڕیوەچگن تاقیکردنەوەیلە ئەرا هەردووگ خوەنین سەرەتایی و ناوەندی.
هەمیش دیاریکرد، هچان وەهارە دوو هەفتەس لە بڕوار 22 کانوون دویەم دەسوەپی کەێد تا پەنج مانگ شوبات.
تاقیکردنەوەی نیمەی ساڵ ئەو کەسەیلە دویاخریاگە ئەرا پۆلە کۆتایی و ناکۆتایەیل هەفتەیگ دویەم دویای دەسوەپیکردن دەوام فەرمی ئەنجام درێد و ئەرا ماوەی یەک هەفتە.