شەفەق نیوز/ سەرچەوەیگ دادوەری، ئمڕوو دووشەممە، خەوەردا لە دەرچگن فەرمان دوو ساڵ زیندانی وەبان دوو وەرپرس لە فڕۆکەخانەی ناودەوڵەتی نەجەف لەبان زەرەدڕەسانن وە دارایی گشتی.
سەرچەوەگە ئەرا ئاژانس شەفەق نیوز وت: دادگای تاوانەیل نەجەف، ئمڕوو، فەرمان زیندانیکردن سەخت تا ماوەی دوو ساڵ لەبان هەرلە وەڕیەوبەر وەرین گریەبەسی و سەرۆک وەرین بەش یاسایی لە فرۆکەخانەی ناودەوڵەتی نەجەف دەرکرد.
سەرچەوەگە دیاری کرد کە بڕیارەگە لە بنەمای مادەی 340 لە یاسای سزادان عراقی شمارە 111 ئەرا ساڵ 1969 دەرچگ.
مادەی (340) لە یاسای سزادان عراقی ئویشێد: سزای زیندانیکردن تا ماوەیگ دریەێد کە لە 7 ساڵ کەمتر نەوود لەبان فەرمانبەریگ یا ئەرکداریگ وە خزمەتگوزاری گشتی ئەگەر زەرەد وە دارایی گشتی یا بەرژەوەنی ئەو لایەنە رەسان کە لەناو کار کەێد یا پەیوەندی وەردی دیرێد.