شەفەق نیوز/ تووڕ دادپەروەری زیندانیەیل، ئمڕوو سێشەممە، راگەیان دەسکردیە وە هەڵمەت وسانن جیوەجیکردن سزای لەسێدارەداین لە عراق وەرانوەر ئەو زیندانیەیلە کە ئێ بڕیارە گردیەسیانەو کە شمارەیان هەزاران کەسن.
شوان سابر وەڕێوەبەر ئیدارەی تووڕەگە لە کۆنگرەیگ رووژنامەوانی کە ئاژانس شەفەق نیوز ئامادابوی وت "عراق لە دە یەکەم جەهانە لە جیوەجیکردن سزای لە سێدارەداین و لە پەنج یەکەمە لەبان ئاست وڵاتەیل عەرەبی لەوەختیگ کە رێنمایەیل فرەیگ هەس ئەرا وسانن جیوەجیکردن ئێ بڕیارە".
وتیش "لەماوەی 2024 سی کەس لە سێدارە دریانە وەپای یەک لیست و 8هەزار کەس سزای لەسێدارەداین دیرن".
رووشنیکرد "لە هەرێم کوردستان بارودۆخەگە وە تەواوی جیاوازە ئێ سزایە وە هەڵپەسێردراو دەرچێد وەگەرد وسانن جیوەجیکردنی، کۆتا سزا لە 2008 بوی کە توومەت تاوانکاری بوی نەک سیاسی یا پەیوەنیدار وە تیرۆر"دیاریکرد "لە هەرێم کوردستان 472 کەس زیندانیکریانە وە سزای لە سێدارەداین وەگەرد وسانن جیوەجیکردنی و دابەشبوون وەبان 439 پیای و 33 ژن".