شەفەق نیوز/ موقتەدا سەدر ریبەر رەوت سەدری، بڕیار دا لە ژیان گشتی دویر بگرێد، ئەوەیش لە ناڕەزایی لەبان رەفتارەیل بەشیگ لە لایەنگرەیلی.
سەرچەوەیگ لە نویسنگەی سەدر ئەرا ئاژانس شەفەق نیوز وت: سەدر بڕیار دا دویر لە مەردم بگرێد، لەوەر رویداوەیل دویەکە و کردەوەیلیگ جویر ئەوە.
وتیش: ئی بڕیارە لەئەنجام ئەوە هات کە سەدر هەس کوێد مەردم تا ئیسە کەفنە شوین پلانەیل خەەرئاوا و گەندەڵەیل دویر لە تەما و ریڕەوی و رینمایەیل پیرووز خوەی.
دویەکە چەن کەسیگ لە لایەنگرەیل رەوت سەدری، وینە و تابلۆی کەسیایەتیەیل سەرکردە لە وەرخودان ئیسلامی دڕینە، کە هیشت سەرکردەیل رەوت سەدری ئەو کەسەیلە دەسگیر بکەن و بیەنەییانە دەس هیزەیل ئەمنی.