شەفەق نیوز/ عەلی روبەیعی قسەکەر وەناو حکومەت، روژ دووشەممە، باس کرد ک مەرەقەز کردن وئاڵشت کردن زندانەیل ناوبەین ئیران و ئەمریکا نێوانگیری و دانوستان نێەخوازێد.
روبەیعی لە قسه‌یلیگ ئەرا روژنامەنویسەیل ئمڕوو وت؛ ک قسەگانی لەباوەت ئاڵشت کردن زندانەیل ناوبەین ئیران و ئەمریکا پەیوەندی وه پێشنیارەگەی محمد جەواد زەریف وەزیر دەرەوە وەرجە دوو ساڵ دیرێد ک جەخت کردە ئامادەبوین ئیران ئەرا ئاڵشت کردن زندانیەیل وەل گشت جیهان نەگ تەنیا ئەمریکا.
وتیش ئی کارە نێوانگیری و رێوشوێن دانوستان نێخوازێد ئەگەر خواستن جیوەجیکردن بوود، ونویسینگەی چەودێری بەرژەوەنیەگان ک سویسرا نوێنەرایەتیی کەێد توێەنێد وە گورەی ئەزمونەیل خوەی ئی کارە ئەنجام بیەێد.
وه‌رژه‌یه باسكریا ك ئیران مه‌یل خوەی ئه‌رائاڵشت کردن زندانەیل وەل ئەمریکا نیشان دا.
سایت خەبەر ئۆنلاین ئەلیکتڕۆنی دویەکە یەكشەممە، قسەی عەلی روبەیعی قسەکەر وەناو حکومەت ئیران بڵاو کردوید، ک وڵاتەگەی ئامادەس ئەرا رێوشوێنەیل ئاڵشت کردن تەواوەتی وەل ئەمریکا، و واشینتون وڵام داوای ئیران لەی باوەتەو نەیاگە.
روبیعی هەمیش وت؛ نیگه‌رانیمن لە بان تەندروسی ئیرانەیەیل لەناو زندانەیل ئەمریکا، و ئەمریکا بەرپرسایەتی سەڵامەتی ئیرانیەگان هەڵگرێد لەوه‌خت پەتای کۆڕۆنا.