شەفەق نیوز/ ئمڕوو شەممە، کەسیگ گیان لەدەسدا و چوار کەسیش زەخمداربوین لە یەک خێزان وە رویدا هاتوچوی لەبان ری بەغداد ـ کەرکوک نزیک قەزای دوزخورماتوو لە پارێزگای سەڵاحەدین.
سەرچەوەیگ پزیشکی وە ئاژانس شەفەق نیوز خەوەردا، رویداویگ لە ئەنجام بەرزی خێرایی رویدایە کە ماشین نوویگ لە ری دەرچگە و بویەسە مدوو کەفتن وە ناو دوڵیگ بویچگ لەشان ری سەرەکیەگە.
سەرچەوەگە وتیش، لە ئەنجام رویداوەگە مەدەنیگ گیان لەدەسدا و چوار کەسیش زەخمداربوین و تەرمەگە ئەرا پزیشک دادوەری کلکریا، و زەخمدارەیلەش بریانە خەستەخانە تا چارەسەر گونجیاگ وەربگرن.