شەفەق نیوز/ وەڕیەوبەرایەتی هاتوچو گشتی عراق، ئمڕوو شەممە، رینمایی دادە رانندەی ماشینەیل، ئەرا رانینیگ بیوەی مەوقەی خوەڵوارین.
دەسەی کەشناسی و زەویلەرزەناسی عراق هوشداری لە نائارامییگ کەشوهەوا و هاتن شەپوول خوەڵوتووز کرد، و تەمەی کرد کە کەشوهەوا ئەرا گەشتکردن وەشەو نەگونجیاس.
وەیجویرە رینمایی دا:
1- مەوقەی رانین لەناو خوەڵوارین دڵنیا بوو لە بەسیا پەنجەرەیل و وەکارخستن ئایڵرکوندێشن ماشینەگە.
2- دڵنیا بوو کە چراخەیل نوایین ماشینەگە خاس کار کەن.
3- بایەسە تونی رانین کەمەو بکەید و وە ئارامی راس و چەپ بکەید.
4- بایەسە هویرد لەلای ریەگەو بوود وەتەواوی مەوقەی رانین.
5- پابەندبوین وە تونی یاسایی لەیجویر کەشوهەوای بەدیگ.
6- مقیەتی ڕووبەر بیوەی ناوەین ماشینەگە وەرد ئەو ماشینەیل بوو.
7_ دویرکەفتن لە هەر شکاننیگ ئەرا یاسای هاتوچو و وەڕیەیل پیچەوانە نەچوووچوینکە کەفیدە وەر رخداری.
هەرلیوا، سەرچەوەیگ لە خوەرئاوای نەینەوا دووپات کرد کە خوەڵوتووز ناوچەگە داگیر کرد، و لە ماوەی ساعەتەیل گوزەشتە ئاست نووڕستن نەما.
سەرچەوەگە ئەرا ئاژانس شەفەق نیوز وت: زریان خوەڵوتووز رەسیە ناوچەی خوەرئاوای نەینەوا و لەلییان تەلەعفەر و بەعاج و شنگال و وەشیوەیگ نیمچە توواویگ ئاست نووڕستن نەما.
دیاری کرد کە رویداویگ هاتوچو لە ئاوای ئوم شوبابیت خوەرئاوای قەزای تەلەعفەر توومار کریا لەوەر نەوین ئاست نووڕستن، و رویداوەگە بویە هوکار زەخمداری دوو کەس.
سەرچەوەگە وتیش: خوەڵوتووز لەبان سنوور عراق و سوریایش بوی لەسای بڵاوبوین هیزەیل عراقی لەناوی.
وەگەرد بەغداد و نەینەوا، خوەڵوتووز رەسیە پارێزگای ئەنبار و سەڵاحەدین و ناوچەیلیگ ترەک لە ناوڕاس و خوەرئاوای وڵاتەگە.