شەفەق نیوز/ ڤیدیۆگەیم AstroBot کە تایبەتە وە پلەیستەیشن 5 و وەلایەن تیم ئاسۆبی ئەوزەڵ وەپیدریایە، خەڵات خاسترین بازی ساڵ وەدەسهاوردیە لە خەڵاتەیلThe Game Awards 2024 کە شەو جومعە لە لۆس ئەنجلس وەڕیوەچی.
بازی ئەسترۆ بۆت نەک تەنیا خەڵات سەرەکی شەوەگە وەدەسهاورد، بەڵکم لە سێ بەش ترەک سەرکەفتن هاورد ئەوانیش: خاسترین بازی خێزانیی، خاسترین دروستکردن و سیناریۆی بازی، و خاسترین بازی ئەکشن و سەرکێشی.
بازی AstroBot بازیەیگ پلاتفۆرمە کە وەلایەن ستۆدیۆی ژاپۆنەوە ئەوزەڵ وەپی درێد و وەلایەن کۆمپانیای 'سۆنی ئینتەرئەکتیڤ ئینتەرتەینمەنت'ـەوە بڵاوکریاس، بازیەگە لە ساڵ 2018 ئەرا پلەیستەیشن 4 و پلەیستەیشن ڤی ئاڕ بڵاوکریاس، بازیەگە باس لە سەرکێشییەگان ئەسترۆ کەێد، کە رۆبۆتیگە ئەرا قورتارکردن هاوڕێیەیلی لە هەسارەی نامۆ دروسکریایە.