شەفەق نیوز/ سەرچەوەیگ ئەمنی لە دیالە، ئمڕوو دووشەممە، خەوەردا تەقینەوەیگ "نادیار" لەناو یەکیگ لە مەکتەوەیل خوەرئاوای پارێزگاگە رویدایە.
سەرچەوەگە ئەرا ئاژانس شەفەق نیوز راگەیان "تەقینەوەگە شەوەکی ئمڕوو رویدایە لەناو باخچەی مەکتەو ئەلبوخاری لەناوچەی کوبات لە قەزای خاڵس، تەنیا زەرەرد مادی کەمیگ وە دیوارەیل رەسانیە".
وتیش، "تەقینەوەگە هنای رویدایە کە بڕیگ گەنج لەنزیک مەکتەوەگە بوینە، و دەزگا ئەمنیەیل رەسینە ئەرا شوین رویداوەگە و لێکۆڵینەوە وازکردنە، هەمیش ئەو کەسەیلە کە لە نزیک بیناگە بوینە دەسگیرکریانە تا لێدوان لەلیان وەربگیرێد و لێکۆڵینەوە وەگەردیان بکرێد".
سەرچەوەیگ ناوخوەیش دووپاتکرد، تەقینەوەگە لە ئەنجام وشانن نارنجەک بویە، رویداوەگە نەویەسە مدوو کەلەمداربوین گیانی