شەفەق نیوز/ فەرمانگەی تەندروسی دیالە، ئمڕوو سێشەممە، ئاشکرایکرد دەسکردنە وە هەڵمەتیگ چەودێریکردن بیماریەیل ناو خوەنەوارەیل مەکتەو، دووپاتکرد حالەتیگ تویشهاتن وە بیماری "تینیا" توومارکریاس لە مەکتەویگ باشوور خوەرئاوای بەعقوبە.
قسەکەر تەندروسی دیالە فارس عەزاوی وت "تیمەیل تەندروسی دەسکردنە وە هەڵمەتیگ فراوان لەناو مەکتەوەیل ئەرا توومارکردن بیماری و موور لەناوەین خوەنەوارەیل ناوچە جیاوازەیل".
وتیش؛ "تیمەیل تەندروسی تویشهاتن خوەنەواریگ وە بیماری تینیا توومارکردنە کە بیماریەگ کەڕووییە تویش پووس بوود، لە مەکتەو (مالک بن ئەلئەشتر) لەناحیەی خان بەنی سەعەد باشوور خوەرئاوای دیالە".
دیاریکرد، "خوەنەوارەگە ئەرا بنکەی تەندروسی کلکریاس و رێکارەیل خوەپارێزی پێویست گیرێدەوەر".
بیماری "تینیا" دەرئەنجام هەوکردنیگ کەروییە لە پووس سەر و ریشگ گیس، بوودە هووکار هەس کردن وە سەرەخورە و رزیان گیس کە بیماریگ کەڕوویی و درمە لەناوەین مناڵەیل خوەنەوار تەمەن کەم بڵاوەوبوود.