شەفەق نیوز/ دەسڵاتدارەیل ئەمنی، ئمڕوو پەنجشەممە، دەسگیرکردن نۆ توومەتبار وە مادە یاسایەیل جیاواز لە پارێزگای بەغداد و زیقار و موسەنا راگەیان.
وەزارەت ناوخوەی لە بەیاننامەیگ رەسیە ئاژانس شەفەق نیوز راگەیان، لە ئۆپراسیۆنیگ جویری پشت بەسان وە زانیاریەیل هەواڵگێری هویردیگ و دەسمیەتی تایبەت دژە تیرۆر توومەتباریگ وە توومەت کوشتن "عەمید عەلی حەلەفی" دەسگیرکریا وەپای فەرمان دادگا وە پشت بەسان وە مادەی چوار لە یاسای دژە تیرۆر.
دیاریکرد، توومەتبار ئەرا لایەنەیل لێکۆلەر تایبەت کلکریا تا سزای دادپەروەرانەی خوەی وەربگرێد.
وەڕێوەبەرایەتی گشتی هەواڵگێری و ئاسایش لە وەزارەت وەرگیری لە بەیاننامەیگ رەسیە ئاژانس شەفەق نیوز راگەیان، مەفرەزەیل وەڕێوەبەرایەتی هەواڵگێری و ئاسایش بەغداد ئەرکەیل جیاجیا ئەنجامدان لەناوچە جیاوازەیل پایتەخت لە ئەنجام سێ داواکریاگ دادگا دەسگیرکردن یەکیگیان تیرۆرستە و دوانیان وە توومەت بازرگانیکردن وە مادەی هووشبەر، فەرمان دادگا ئەرایان دەرچگە، و رێکاریەیل یاسایی وەرانوەریان گیرێدەوەر.
لە لایگتریش، وە وەدویاچگنیگ مەیدانیانەی هویردیگ مەفرەزەی وەڕێوەبەرایەتی هەواڵگێری و ئاسایش موسەنا بازرگانیگ مادەی هووشبەر دەسگیرکرد لە قەزای خزر لە پارێزگای موسەنا، کە ئەرای یاداشت دەسگیرکردن دەرکریابوی وەپای مادەی 28 هووشبەر.
فەرماندەیی ئۆپراسیۆنەیل بەغداد لە بەیاننامەیگ رەسیە ئاژانس شەفەق نیوز دووپاتکرد، تیمیگ لە پۆلیس فیدڕاڵی و دەزگایەیل ئەمنی ئۆپراسیۆنیگ ئەنجامدانە ئەرا وشکنین ناوچەیل و توەنستنە پەنج توومەتبار دەسگیربکەن وە توومەتەیل، کوشتن وە مەبەست، دزی، هەڕەشە، مەراف، و وە بڕیگیان دەسنریاس وەبان چەک و ئامێرەیل بی موولەت، لەناوچەیل مەشروع وەحدە و زەعفرانیە، و رئاسە، و بەلەدیات، و بەسمایە لەلای رەسافە.
توومەتبارەیل ئەرا تەواوکردن رێکارەیل یاسایی وەرانوەریان رادەس لایەنەیل تایبەت کریان.