شەفەق نیوز/ کۆمپانیای تۆیۆتا موتۆر یابانی ئەرا دروسکردن ماشین، ئمڕوو چوارشەممە، داوەزیان بەرهەم جەهانیی ئەرا دەهەم مانگە لەبانیەک، هەرچەن فرووشەیل جەهانیی ئەرا دویەم مانگە لەبانیەک بەرزەو بوود.
تۆیۆتا کە گەورەترین کۆمپانیای ماشینە لە جەهان، لە نۆڤەمبەر 869230 ماشین لە ئاست جەهان دروس کرد، وە داوەزیانیگ 6.2 سەد وەگورەی خود مانگ لە ساڵ گوزەشتە.
ئی کەمەوبوینە گەورەتری داوەزیانە وەڕیژەی 0.8 بە سەد لە ئۆکتۆبەر.
بەرهەم تۆیۆتا لە ئەمریکا ئەرا 11.8 لەسەد داوەزیا، کە خاسەوبوین یەواشیگ نشان دەێد، هەرچەن دووارە دەسکریا بەرهەمکردن مارکەی گراند هایلاندەر و لێکسۆس تی. ئێکس لە ماشینەیل فۆرویل لە دویادویای ئۆکتۆبەر لە شوین وسیانیگ تا چوار مانگ وەردەوام بوی.