شەفەق نیوز/ سەرچەوەیگ ئەمنی، ئمڕوو جمعە، خەوەردا لە توومارکردن رویداویگ هاتوچو دڵتەزن خوەرهەڵات شار ناسریە ناوەند پارێزگای زیقار، و کابرایگ لەوەر وای تون داریگ کەفێدە بانی و گیانی لەدەسدا.
سەرچەوەگە ئەرا ئاژانس شەفەق نیوز وت: رویداویگ هاتوچو دڵتەزن لەبان ری گشتی لە ناوچەی خەمیسات خوەرهەڵات شار ناسریە ناوەند پارێزگاگە لەناوەین دوو ماشین (ساڵون و لۆری) رویدا.
وتیش: رویداوەگە بویە هوکار کوشیان کەسیگ و زەخمداری 3 کەس ترەک.
لە واست، سەرچەوەیگ پزشکی خەوەردا کە هاوڵاتییگ لە ئەنجام کەفتن داریگ وەبانی کە لە شانی وسیاوێد، لەوەر ئەو وای تونە لە ناحیەی دبونی گیانی لەدەسدا.
دیاری کرد کە تەرمەگە ئەرا پزشک دادوەری بریا.