شەفەق نیوز/ چوارکەس تویش زەخمداری هات کە سێیانیان مناڵن وە رویداویگ هاتوچوی کە، شەوەکی ئمڕوو دووشەممە، لە ناوڕاس شار کەرکوک رویدایە، هەمیش مناڵیگ 10 ساڵان ئەرا خەستەخانە کلکریاس لەدویای رویوەروی بوین وە وە تونوتیژی خێزانی.
سەرچەوەیگ لە پۆلیس هاتوچوی وە ئاژانس شەفەق نیوز خەوەردا، "رویداویگ لەبان پێیەڵ چوارەم لەناوڕاس کرکوک رویدایە، هنای ماشینیگ لەجویر چارچەر وە خێرایی بەرزیگ رانندگی کردیە، لەدویاوە لەیەکەودایە وەگەرد ماشینیگ لە جویر سیدرک.
سەرچەوەگە دیاریکرد، رویداوەگە بویە مدوو زەخمداری سێ مناڵ و زەخمداری رانندەی ماشین دویەم، وتیش زەخمدارەیلە ئەرا چارەسەرکردن کلکریانە خەستەخانەی گشتی کەرکوک، و پۆلیس لێکۆڵینەوە لە رویداوەگە وازکرد.
لە رویداو جیایگ سەرچەوەیگ پزیشکی راگەیان "مناڵیگ 10 ساڵان ئەرا خەسخانەی گشتی کەرکوک بریاگە وە دەسپیچگ بیماری، لەدویای وشکنین لشی دەرچگە لە ئەنجام لێدان سەختیگ تویش زەخمداری بویە".
سەرچەوەگە ئاشکرایکرد "مناڵەگە دان داناگە ئەوەگ مەموی دایەس لەلی، مناڵەگە وەگەرد ماڵ مەموی زندگی کەێد لەدویای دەسگیرکردن باوگی و جیابوینەوەی داڵگی".
سەرچەوەگە دووپاتکرد پۆلیس مەموی مناڵە دەسگیرکردیە و ئەرا زیندان کلکریاس، مناڵەگە ئەرا چارەسەر لە خەستەخانەس هاژیر چەودێری پزیشکی هویردیگ.