شەفەق نیوز/ سەرچەوەیگ پزیشکی و ئەمنی، شەفەق ئمڕوو چوارشەممە، خەوەردا لە توومارکردن زیاتر لە 70 زەخمداری لە هەردووگ لاگە کەرخ و رەسافە لە بەغدای پایتەخت، لە ئەنجام وەکارهاوردن بازی ئاگرینیەگان و گول لە وەخت ئاهەنگ سەر ساڵ زاینیی.
سەرچەوەگە وە ئاژانس شەفەق نیوز وت:" "زەخمداریەیل جیاوازن لە ناوەین سزیان و زەخمداریەیل رخداری جیاوازەیل وە بازیەیل ئاگرین، وەگەرد زەخمداریەیل ترەک لە ئەنجام تەقەکردن لە ئاسمان.
راگەیان دەسڵاتدارەیل پیشوەختە هووشداریدانە و داوا لە هاوڵاتیەیل کردن دویرەوبکەفن لە تەقەکردن کە بوودە هوکار زەردەیل گیانی و مادی، لەهەمان وەخت سەرچەوەیگ ئەمنی وە ئاژانس شەفەق نیوز راگەیان هاوڵاتیگ گیان لەدەسدا لە ئەنجام تەقەکردن لە ئاسمان وەلایەن یەکیگ لە ئاهەنگگێرەیل لە کویچەی مەهدیە لەناوچەی دەورە.
لەلایگیش سەرچەویگ ئەمنی وت، هێزە ئەمنیەیل دەسکردنە وە هەڵمەتیگ تایبەت وە سەرپەرشتی فەرماندەی پۆلیس بەغداد کەرخ، لەمیانەی دەسگردنە وەبان زیاتر لە 20 چەک و دەسگیرکردن خاوەنەیلیان کە لە ئاهەنگەیل وکاریان هاوردنە.