شەفەق نیوز/ دەسەی کەشناسی عراق، ئمڕوو چوارشەممە، مەزەنەی کەشوهەوای وڵاتەگە ئەرا ئی رووژەیل بانانە بڵاو کرد،و باس ئەوە کرد کە سێ پارێزگا پلەی گەرمی بوبچگی رەسێدە 2 پلەی سەدی.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو پەنجشەممە، لە گشت ناوچەیل وڵاتەگە رووشنە وەگەرد لەکە ئەوریگ، و لە چەن ناوچەیگ شەوەکی تەم دروس بوود، کەمکەم پاکەو بوود، و پلەی گەرمی نزیک رووژ وەرجە خوەیە.
دیاری کرد کە پلەی گەرمی مەزن وەیجویرە بوود؛ بەغداد و دیالە و نەجەف و نەینەوا و کەرکوک 18 پلە، و سەڵاحەدین و واست و بابل و کەربەلا و موسەنا 19 پلە، و دهۆک و هەولێر 16 پلە، سلێمانی 14 قلە، ئەنبار 15 پلە، دیوانیە 17 پلە، و میسان و بەسرە 20 پلە، و زیقار 21 پلە، و دیاری کرد کە هەولێر وە نەینەوا و دیالە پلەی گەرمی بویچگیان رەسێدە 2 پلە، و لە بەغداد و ئەنبار و بەسرە رەسێدە 5 پلە.
وتیش: رووژ جمعە، رووشنە وەگەرد لەکە ئەور، و پلەی گەرمی لە گشت وڵاتەگە نزیک رووژ وەرجە خوەیە.
دیاری کرد کە رووژ شەممە، ئاسمان رووشنە و شەو بوودە نیمچە ئەوریگ لە بەشەیل خوەرئاوای وڵات،و پلەی گەرمی لە گشت وڵاتەگە نزیک رووژ وەرجە خوەیە.
دەسەگە وتیش؛ کەشوهەوای وڵاتەگە ئەرا رووژ یەکشەممەی ئایندە، لە گشت ناوچەیل وڵاتەگە نیمچە ئەورە، و پلەی گەرمی کەمیگ بەرزەو بوود.