شەفەق نیوز/ وەگەرد سەرەتایی سووکی، پولیس هاتوچو دەسکەێد کارەکەی لە عراق، بی شەکەتی و مانیبوین، و بڕیگ سەختی لەی ئەرکە کەفنە نوای.
هەرچەن ئەرک پولیس هاتوچو رێکخستن جویلەی هامشووە و مسۆگەرکردن گونجیان ریکردن ماشینەیل وەبان جادەیل، وەلێ فرە جار کەفێدە وەر کارەیل تونوتیژی و دەسدرویژیکردن تا رەسێدە کوشتن، چ لە بەغدای پایتەخت یا ئەو پارێزگایل.
ئاژانس شەفەق نیوز ئی کاروان مەینەتیە لەناو جادەیگ سەرەکی ناوڕاس شار حلە توومار کرد، کە ئەندامەیل پولیس هاتوچو روی وەرەو دوڕیانەیل سەرەکی کەن، وەرجە هەڵاتن خوەر تا هاتوچگن ماشینەیل رێک بخەنۆ
وەزارەت ناوخۆی عراق، بڕیگ بڕیار دەرکرد ئەرا قورسکردن سزایەیل لەبان ئەوانەک دەسدرویژی لەبان ئەندام و ئەفسەرەیل هاتوچو کەن، ئەوەیش دویای ئەوە کە ئی کارەیلە بوینە دیاردەیگ رووژانە.
وەزارەت ناوخۆ ئویشێد؛ زیایبوین دەسدرویژی لەبان ئەندامەیل پولیس هاتوچو لە عراق، و ئەو ئەندامەیلیش لە ساڵەیل گوزەشتە، لەوەر لاوانی ریکارەیل یاسایی وەرانوەریان بوی، و هەمیش مقیەتینەکردن ئەندامەگە، وەلێ ئیرنگە وەوجویرە نەمەن، کە وەزیر خوەی سزای هەرکەسیگ دەێد دەسدرویژی وەبان هەر ئەندامیگ ئەمنی بکەێد.