شەفەق نیوز/ چین دویەم لە خیزانەیل لوبنانی، ئمڕوو شەممە، لە شار بابل عراقی دەرچگ، و روی وەرەو وڵات خوەیان کردن، ئەوەیش دویای زیاتر لە یەک مانگ لە ئاگربەسی ناوەین حزبولڵای لوبنان و ئیسرائیل.
پەیامنێر ئاژانس شەفەق نیوز وت: ئەو چینە کە شمارەی کەسەیلی رەسیە 150 پەنابەر، شەفەق ئمڕوو لە کاروان گلەوخواردن وە هاوکاری وەزارەت کووچ و کووچبەری و دەزگای حەشد شەعبی/ نویسینگەی بایل، و نویسنگەی هاناڕەسین میوانەیل لوبنانی لە پارێزگاگە کەفتنە جویلە.
دویای راگەیانن ئاگربەسی ناوەین ئیسرائیل و حزبوڵا لە 27 تشرين دویەم 2024، خیزانەیل لوبنانی مە لە بەیروت و دەورگردی ئاوارە بوین، دەسکردنە گلەوخواردن وەرەو میلکان خوەیان، و چین یەکم لەی خیزانەیلە لە سەرتای مانگ کانوون دویەم دەسکردە گلەوخواردن.
جی باسە کە عراق سنوور ئاسمانی و هشکایی واز کرد ئەرا پیشوازیکردن لە ئاوارەیل لوبنانی لە ئەنجام جەنگەگە.
لە 25 ئەیلوول 2024، یەمەن کاروان لە زەخمدار و ئاوارەیل لوبنانی رەسیە فرۆکەخانەی بەغدا، کە دویای ئەوە خیزانەیل بەشەو کریانە بان چەن پارێزگایگ جویر نەجەف، کەربەلا، بایل، بەغداد، دیالە، بەسرە، و پارێزگایلیگ ترەک.