کوڵە چیرووک
دویەتیگ کتاو فرووشتیاد، دووسەگەی هاتیە تا چەویان وەیەک بکەفێد، وەلێ لەو مەوقە باوگ دویەتە هاتیە سەردان دویەتەی بکەێد، و دویەتەگە خوازێد وەشیوەیگ بیلێد کوڕەگە بفامێد کە یە باوگیە.
هەناێ کوڕەگە هاتە نزیکەو، دویەتەگە وت: ئایا ئەرا داوای کتاو (باوگم هالام) هاتێدە کە یورگ دەنیلی ئەڵمانی نویساسەی؟
کوڕەگە وت: م ئەرا کتاو "لە کوو بوینمەد" هاتمە کە تۆماس مۆنیزی بەریتانی نویسایەی.
دویەتەگە وت: وەداخەو ئەو کتاوە نەیریمن، وەلێ لەوە خاستر کتاویگە وەناونیشان "لەژیر دارە سیفەگە" کە پاتریس ئۆلڤێر ئەمریکى نویساسەی.
کوڕەگە وت: خاسە، ئایا توەنید سوو کتاو "دویاى 5 خولەک تر تەلەفۆند کەم" ئەرام بارێد کە ژان بێرناری بەلجیکى نویساسەی؟
دویەتەگەیش وت: بەڵی وەناو چەو.
هەمیش خوازم بویشم کتاویگ وەناونیشان "هەرگیز واز لەلید نیارم" میشل دانیەلی فەڕەنسیش بخوەن.
دویای گڕیگ، باوگ دویەتە هاتە دەنگ و وت: ئی هەمکەی کتاوە ئەڕا ئی کوڕە فرە نییە!
چوین توەنێد گشتیان بخوەنێد!
دویەتەگە وت: بەڵێ باوگە توەنێد، چوینکە کوڕیگ زیرەکە.
باوگە وت: فرە خاسە دویەت ئازیزم، ئەگەر وەیجویرەس خاسترە کتاو
"من خەر نیم" فڕانک مرتنینز هۆڵەندییش بخوەنێد.
هەڵبەت توییش بەد نییە کتاو "ئەرا شویکردن وە ئاموزای خوەد ئامادە بوو" ئەرا نویسەر رووسی مووریس ئێستاکویچ بخوەنێد.