شەفەق نیوز/ ئەنجومەن پارێزگای زیقار، ئمڕوو سێشەممە، وە زۆرینە دەنگدا لەبان لاوردن پارێزگار مورتەزا ئیبراهیمی.
پەیامنێر ئاژانس شەفەق نیوز وت: ئەنجومەن پارێزگای زیقار، ئمڕوو دانیشتنیگ تایبەت ئەرا پرسیارکردن لە پارێزگار مورتەزا ئیبراهیمی، و وە زۆرینە دەنگدا لەبان لاوردنی لە پۆستەگەی.
وەرجەیە، ئەنجومەن پارێزگای زیقار دانیشتنیگ تایبەت ئەرا پرسیارکردن سەرۆک حکومەت ناوخوەیی لە پارێزگاگە مورتەزا ئیبراهیمی ئەنجام دا.
پەیامنێر ئاژانس شەفەق نیوز وت: ئەنجومەن دانیشتن پرسیارکردن پارێزگار ئیسە وە ئامادەبوین خوەی ئەنجام دا.
لە هەشت کانوون دویەم، ئەنجومەن پارێزگای زیقار شکست هاورد لە ئەنجامدان ئی دانیشتنە.
دویای ئەوە، سەلام فەیاز ئەندام ئەنجومەن پارێزگای زیقار لە کۆنگرەیگ رووژنامەوانی وە ئامادەبوین ئاژانس شەفەق نیوز، راگەیان کە دانیشتن پرسیارکردن پارێزگار مورتەزا ئیبراهیمی خریا ئی هەفتە.
لە 5 تشرین دویەم 2024، ئەندامەیلیگ لە ئەنجومەن پارێزگای زیقار داوا لە عەمار حەکیم سەرۆک رەوت حیکمە کردن مورتەزا ئیبراهیمی ئاڵشت بکەێد، چوینکە هەر لە خوەیەو بڕیار دەێد وسڵای کەس نیەکەێدە.