شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە پەیاکردن تەرم ژنیگ وەگولەی دەوانچە کوشیاس لە قەزای زوبێر، خوەرئاوای پارێزگای بەسرە.
سەرچەوەگە ئەرا ئاژانس شەفەق نیوز وت: هیزەیل ئەمنی تەرم ژنیگ لەناو ماڵیگ لە قەزای زوبێر پەیا کردن کە وەگولە کوشیاس، دویای رەسین ئاگاداری لە کەسەیلیگ.
دیاری کرد کە دویای دروسکردن تیم مینەکردن و وەشکین، بکوشەگە دەسگیر کریا، و ئاشکرای تاوان خوەی کرد کە وە دەوانچە ئەو ژنە لەناو ماڵەگەی کوشتیە.
یە دویەم رویداوە لەیجویرە، کە شەوەکی ئمڕوو، سەرچەوەیگ لە پولیس ئەرا ئاژانس شەفەق نیوز وت: ژنیگ وە دەس براگەی مەوقەی پاکەوکردن چەنەگەی لەناو ماڵیان لە ناوچەی قیبلە لە بەسڕە کوشیا.
هەرلیوا، سەرچەوەیگ ئەمنی لە پارێزگای زیقار خەوەردا لە پەیاکردن تەرم دویەتیگ نەناسیای لە باکوور ناسریە وەڵپەت تاسیاس.
سەرچەوەگە ئەرا ئاژانس شەفەق نیوز وت: هیزیگ ئەمنی تەرم دویەتیگ پەیا کرد مەزەنە کریەێد لەناو تەمەن بیس ساڵان بوود و ناسنامەی نادیارە، ئەوەیش لە نزیک مەزاری سەید ئەخزەر لە قەزای ێفاعی باکوور زیقار.
سەرچەوەگە دیاری کرد کە تەرمەگە شوین سێدارە وەپیەو بویە و ئەرا پزشک دادوەری بریا.