شەفەق نیوز/ کامەران رەحیمی وەڕیەوبەر پەیمانگەی زانست زاگرۆس و کۆمەڵگەی زانست رووشنهویری، وت: لە ئامانجەیل پەیمانگاگە یایگردن زوان و ئەدەب کوردیە لە ئیران وەگەرد زوان فەرمی (فارسی).
کامەران رەحیمی نویسەر و شرۆڤەکار ئیلامی لە قسەیلی ئەرا ئاژانس شەفەق نیوز وت: ئامانج پەیمانگەی "زانست زاگرۆس" و کۆمەڵەی "زانست" رووشنهویری خوەی رەسین وە زوانیگ پەیمانەییە ئەرا زاراوەی کوردی خوارگ لە بنەمای خوەنستن.
لە هویر دروسکردن پەیمانگەی زانست، رەحیمی دووپات کرد کە خوەشبەختانە، و دویای بیس ساڵ لە وەشوینکەفتن، لە ساڵ 2021، پەیمانگەی "زانست زاگرۆس" و کۆمەڵەی رووشنهویری "زانست" دامەزریان و دەسەوکارەو بوین، و ئی ناوەندەیلە ئامانجەیل سەرکەی و دیاریکریای دیرن جویر: بەرهەم ناوەڕۆک کتاوەیل مەکتەو، و پەیاکردن زاراوەیگ پەیمانەیی ئەرا یایگردن، و هوکارەکردن زوان و ئەدەب کوردی و زوانەیلیگ ترەک، وەگورەی مادەی 15 لە دەستوور.
لەباوەت سەرچەوەیل پاڵپشتیکردن ئی گرووپە وت: ئی ناوەندە 33 پڕۆسەی رووشنهویری لە ئاست ناو و دەیشت وڵات وەبی هویچ پاڵپشتیکردنیگ ئەنجام داگە، لەوانە بڵاوکردن کتاو و کۆڤارەیل و بەشداریکردن لە بڕیگ کۆنفرانس و سازین وۆرکشۆپ، و 5 ناونیشان و تەقەلای ئەندامەیل ناوەندەیل رەسیە ئەنجام، و چاپکردن و نویسانن 5 کار هوکارەکردن و نووڕین و تۆێژینەوە لە گام وەرگردن مووڵەت.
رەحیمی باس ئامانج و چالاکیەیل کۆمەڵەی زانست کرد کە وت: وەگورەی مادەی 5 لە دەستوور، رێکخستنەیل خوازیاگ جیوەجی کریەن ئەرا گاڵداین خاوەن قەڵەمەیل و نویسەرەیل تا روی بکەن وەرەو نویسانن کارەیل پەخشان، وە دروسکردن وانەیل روومانی و زوانەوانی، و دانیشتنەیل رەخنە و هەڵسەنگاندن دەقەیل پەخشان کوردی، و سازین کۆنفرانس و گفتوگۆیل زوانەوانی، و یادکردن ناودیارەیل و جیاوازیەیل لەی چینە، وە پیشکەشکردن تابلۆیل یادەوەری و دروسکردن سەکوو بڵاوکردن ئەو کارەیلە کە وەزوان کوردی نویسیانە، وە نویسانن زوانەوانی و ئەدەبی، و وۆرکشۆپ و نویسانن و گردەوکردن ریڕەویەیل هوکارەکردن نویسین راس کوردی، جویر پێشنیاریگ ئەرا دامودەزگایل پەیوەندیدار ئەرا بڵاوکردن، کە یەکیگە بە ئامانجەیل ئی گرووپ رووشنهویری و ئەدەبی و هوکارەکردنە.
رەحیمی وتیش: زیایکردن ئاست زانستی و ئەدەبی ئەندامەیل و گرنگیدەرەیل وە وانەیل و وۆرکشۆپ فێرکاری جویر ئەبجەدیەی فارسی و کوردی، و چاپ لاتینی هاوبەش، و رەخنەی ئەدەبی.
باوەتەیل زوانەوانی، و میژوو ئەدەب کوردی و فارسی، زمانەوانی لە دەرکردن بڕوانامەیل نرخدار و نیشتمانی، و تەقەلایل ئەرا وەجیهاوردن مادەی پانزەهەم لە دەستوور ئیران، وە نویسانن کتاوەیل و بڵاوکردن، و داناین ناونیشانەیل ئەرا ئاستەیل فێرکاری جیاجیا و زانکۆەیلر ناوەندەیل خوەنەواری باڵا، لەو ئامانجەیل ئی کۆمەڵەس.
شرۆڤەکار و مامووستای زوان و ئەدەب کوردی وتیش: تەقەلای زانستی خاوەن بنەمای نووڕین و زانستی وەرەو رێککەفتن وەرد بەهرەدارەیل چین ئەدەبی (راسگانی و یاسایی)، وەرەو دیاریکردن و وەدەسهاوردن زاراوەی پەیمانەیی کوردی خوارگ، ئەرا ئەرکەیل فێرکاری و پەیوەندی وەرەو قایمکردن زوانەیل ئیرانی و بەرزکردنیان، وە هاوکاری و هاووەختی وەرم ئەکادیمیای زوان فارسی و ئەکادیمیای کوردی، لە بنەمایل فەرهەنگ پەیمانەیی و فەرهەنگەیل هاوڕێک، و ناسانن وە ئەنجامەیل کۆمەڵەگە و دیاریکردنی، و لەڕی دەرکردن بولیتن، و وەدەسهاوردن مووڵەت و دەرکردن بەیاننامە لەبان چالاکییەیل رووشنهویری پەتی، ئیمە هەمیش تەقەلا ئەرا وەجیهاوردن ئەو ئامانجەیلە دەیمن.
هوکارەکردن زوان و ئەدەب کوردی وەگەرد زوان فارسی فەرمی
رەحیمی وتیش: ئامانجەیل و باوەت چالاکیەیل پەیمانگەی زانست زاگرۆس وەگورەی مادەی هەشتە، وتیش: ئەو تەقەلایلە ئەرا پەیاکردن و راهێنان سەرچەوەیل مرۆیی لیهاتگ لە چین رووشنهویری، و دروسکردن کارگێڕی ئەرا پسپۆڕەیل و هونەرمەنەیل گەنج، و نموونەکردن و پیشکەشکردن نموونەیلیگ ئەرا بەرنامەیل پەیمانەیی لە چین رووشنهویری و هونەر، و پەیاکردن و رینماییکردن بەرهەریل رووشنهویری، و فراوانکردن و وەئامانجگردن چالاکیەیل رووشنهویری، لەناو ئامانجەیل ئی گرووپەسە.
باس چالاکییەیل پەیمانگاگە کرد، کە وت: خولەیل راهێنان رووشنهویری و هونەری کوڵماوە جیوەجی کریەن لە چینەیل: چیرووک نویسانن، و رەخنەگردن کتاوەیل، دەستکاری، تیژبوینین زوانەوانی، دووارەنووڕین دەقەیل، و دووپات لەبان ریڕەویەیل نویسانن وەلایەن ئەندامەیل و ئەنجومەن ناوەندی کریەێد.
رەحیمی وتیش: ئەنجومەن سەرەکی ئی ناوەندەیلە لە 17 مامووستای زانکۆ وە وەڕیەوبەر و پارێزەر و هونەرمەنەیل ناوچەیل کوردی دروس بویە، و شمارەی گشتییان رەسێدە 200 کەس، لەناویان 20 کەسایەتی ناودیار فەخری، ئی ناوەندەیلە 8 گرووپ کار دیرێد وە میکانیزم سەروەخوەی، 860 باوەت و36 ڤیدیۆ فێرکاری و زانستی بڵاو کردن، و پیشوازی لە ئەندامیەتی لە مەردم وە گشتی و نەختینەیی کریەێد وەگورەی مەرجەیل.
جی باسە کە کامەران رەحیمی لەداڵگبوی ساڵ 1971ە لە ئیلام، مامووستای زوان و ئەدەب فارسی و کوردیە، وەڕیەوبەر پەیمانگەی زاگرۆس، نویسەر و شرۆڤەکارە، تا ئیسە بڕ فرەیگ لە کتاوەیل لە نویسانن و توێژینەوە و هەڵگەردان، و دەیان وتار و یاداشت لە چاپ و گۆڤارەیل ناو و دەیشت وڵات دەرکردگە.