شەفەق نیوز/ سەرچەوەیگ ئەمنی لە شار فەلوجە سەر وەپاریزگای ئەنبار، ئمڕوو یەکشەممە خەوەردا گەنجیگ کوشیایە رویوەروی پەلاماردان هاتیە وە کەرەسەی تیژیگ لە لە یەکیگ لە کویچەیل شارەگە.
سەرچەوەگە ئەا ئاژانس شەفەق نیوز ئاشکرایکرد، "هێزە ئەمنیەیل توەنستن تاوانبارەگە دەسگیربکەنلە دویای وەخت کەمیگ لە رویدان رویداوەگە، ئەرا بنکەی بەندکردن کلکریا دەسکریاس وە لێکۆڵینەوە و چۆنیەتی رویداوەگە".
سەرچەوەگە دووپاتکرد "دەزگا ئەمنیەیل فرەیگ هانا ناوچەگ، ئەرا مسۆگەرکردن ئاسایش و دڵنیایی هاوڵاتیەیل".
لە رویداو دویەم سەرچەوەیگ ئەمنی وە ئاژانس شەفەق نیوز وت؛ گەنجیگ بیس ساڵان پیشە پۆلیس وەشیوەی گرێبەست لە پۆلیس فیدراڵ گیان لە دەسدا لەدویای ئەوەگ رویوەروی رویداو تلانن هات لە بان ری گشتی نزیک ناوچەی (ئاوای سەریفێن لە قەزای فەجر لە باکوور شار ناسڕیە ناوەن پارێزگای زیقار".
لە رویداو ترەک فەرماندەیی پۆلیس پارێزگای نەجەف خەوەردا، فەوجیگ فریاکەفتن پارێزگای دویەم نوای ژنیگ گردنە کە تەقەلای خوەیکوشتن دایە لەناو قەورسان "وادی سەلام".
فەرماندەیەگە لە بەیانامەیگ وت، یەیگ لە دەوریەیل فەوج فریاکەفتن نەجەف توەنستیە تەقەلای خوەیکوشتن ژنیگ پویچەو بکەێد لەناو قەورسان، هەنای تەقەلای ئاگر وەردانە لەش خوەی دایە.
ئاشکرایکرد، لە وەخت بڵاوبوین دەوریەیل وە ناو قەورسانەگە تێبینی کردنە ژنیگ ها لە پسای رخداریگ دەسوەجی هاتنەسەناو و توەنستنە ریگری لە خوەیکوشتنەگە بکەن.
وەپای پۆلیس نەجەف، لە دویای لێکۆڵینەوەیل سەرەتایی دەرچگە، خەڵک پارێزگای بەغدادە، و رێکارەیل هەوەجەکریاگ گیریاسەوەر وەلایەنە لایەنەیل پەیوەنیدار چەودێری حالەتەگەی کرێد و لێکۆڵینەوە لەلی وەردەوامە.