شەفەق نیوز/ سەرچەوەیگ ئەمنی لە باشوور عراق، ئمڕوو پەنجشەممە، خەوەردا لە رویدان حالەتیگ خوەیکوشتن و دەسگیرکردن کابرایگ خوەی وە پزیشک ناسانییە و پویچەوکردن ئۆپراسیۆنیگ دزیکردن چەکداری لەناوڕاس پارێزگای موسەنا و بەسرە و میسان.
لە موسەنا سەرچەوەیگ ئەمنی وە ئاژانس شەفەق نیوز راگەیان، هەوڵاتیگ پەنجا ساڵان وە تەقەکردنلەخوەی خوەیکوشتیە لەنناو ماڵ خوەی لە قەزای رەمیسە باکوورشار سەماوە، ناوەن پارێزگای موسەنا باشوور عراق، سەرچەوەگە ئاشکرایکرد،ئەو کەسە چەکیگ لە جویر "کلاشینکۆف" وەکارهاوردیە، و تا ئیسە هووکار رویداوەگە نەزانریاس، دیاریکرد، تەرمەگە ئەرا پزیشک دادوەریکلکریا ئەرا تەواوکردن رێکارەیل یاسایی پێویست..
لەبەسرە، سەرچەوەیگ ئەمنی لە پارێزگاگە ئاشکرارد کەسیگ کە خوەی وەپزیشک پسپۆر جومگە و بڕبڕەی پشت ناسانیە لەناو سەنتەریگ پزیشکی بی موولەت لە ناوەن شارەگە دەسگیر کریا، سەرچەوەگە دیاریکرد، ئۆپراسیۆنەگە دەسوەسەرکردنی وەپای بڕیار دادوەر بوی وە هەماەنگی وەرد تیمیگ لە بەش وشکنین تەندروسی بەسرە و وەرێوبەرایەتی بەڕەنگاربوین تاوانەیل.
دووپاتکرد توومەتبار دەرمانەیل وە شیواز کۆد و وەزوان عەرەوی نویسانیە، و رێکارەیل یاسایی وەرانوەری گیرێدە وەر.
لە میسان، فەرماندەی پۆلیس پارێزگاگە باندیگ دزیکردن چەکداری پویچەوکردن و گشت ئەندامەیلی دەسگیرکریا، لەدویای ئەوەگ هاوڵاتیەیل داد توومارکردن لەوەگ ماڵەیلیان رویوەروی دزین بڕە پویل و تەڵا هاتنە، وەڕێوەبەرایەتیەگە لە بەیاننامەیگ رەسیە ئاژانس شەفەق نیوز ئاشکرایکرد، ئۆپراسیۆنەگە وە هاوکاریناوەین بەش بەڕەنگاربوین تاوانەیل و شانەی هەڵۆ هەواڵگێری بوی تیمیگ کارکردن ئەرا وەدویاچگن تاوانباریل دروسکریاس.،
لەدویای کووکردن زانیاریو دیاریکردن شوینیان، هێزە ئەمنیەیل ئۆپراسیۆنیگ هەڵکوتان ئەنجامدان و سێ کەس دەسگیرکردن و گشترێکارەیل یاسایی وەرانوەریان گیریاسەوەر.