شەفەق نیوز/ سەرچەوەیگ پزشکی لە فەرمانگەی تەندروسی کەرکوک، ئمڕوو دووشەممە، خەوەردا کە ژنیگ واز لە دویتە کوورپەگەی هاورد دویای چەن ساعەتیگ لە زایینی، و لە نزیک پیەڵیگ ناوڕاس پارێزگاگە فڕەی دا.
سەرچەوەگە ئەرا ئاژانس شەفەق نیوز وت: ژنیگ لە تەمەن 26 ساڵان، چگە ئەرا خەسەخانەیگ لە کەرکوک، تا مناڵ بزاێد، وە سەرپەرشتی تیمیگ پزیشکی دویەتیگ هاورد، و دویای چەن ساعەتیگ داڵگە وەرد کوورپەگەی لە خەسەخانە دەرچگ.
سەرچەوەگە وتیش: ئەو داڵگە دویەتەی نزیک پیەڵ دۆمیز ناوڕاس کەرکوک فڕە دا، و ریوارەیل لەناو بڕیگ سەگ پەیای کردن.
وتیش: سەگەیل پەلامار ئەو مناڵە نەیان، و ئاگادار پولیس کریا، کە رەسیە شوین رویداوەگە، و مناڵەگە ئەرا خەسەخانە برد.
سەرچەوەگە وتیش: پولیس لێکۆڵینەوە لە رویداوەگە واز کرد، و دەسکردە مینەکردن داڵگ مناڵەگە، تا بڕەسێدە بندروس فڕەداینی لەناو جادە دویای چەن ساعەتیگ لە زایینی، و باوگی کی بوود.