شەفەق نيوز/ دەسەی مەرزەیل سنووری، ئمڕوو شەممە، لیستیگ راگەیان کە وەناوهاوردن گووشت سوور و چەرمگ و شیرەمەنی لەڕی مەرز سنووری شەلامچەو هاناوی، ئەرا دویرکەفتن لە قاچاخکردن هووشبەری.
عەلا قەیسی قسەکەر دەسەگە ئەرا ئاژانس شەفەق نیوز وت: لیستەگە گشت چینەیل ماسی و گووشت و مامر و خورما و شیرەمەنی لەناوی بوی.
قەیسی وتیش: قەیەغە تەنیا ئەوە گرێدەو کە هاوڵاتیەیل وەشیوەی تاکانە لە بازاڕکردن لە ئیرانەو تیارن، و هامشوو بازرگان ناوەین دوو وڵات نیەگرێدەو، دیاری کرد کە قەیەغەکردن ئەرا دویرکەفتن لە هەڕەشەی هووشبەری وەناو ئی چشتەیلەو هات، چوینکە ئاشکراکردنی وە سۆنار ئاسان نییە.
وەرجەیە، کەسەی گومرگەیل سنووری عراق، راگەیان کە وەڕیەوبەرایەتی مەرز سنووری شەلامچە توەنست کەسیگ دەسگیر بکەێد مەوقەی تەقەلای قاچاخکردن 1.450 کیلۆمەتر لە مادەی هووشبەر کریستال.
یە دویەم تەقەلای قاچاخکردن هووشبەریە لە ماوی دوو رووژ، کە پیرەکە پەنجشەممەیش وەڕیەوبەرایەتی مەرزەگە کەسیگ عراقی دەسگیر کرد لە ئیرانەو هاتگە، کە بڕیگ مادەی کریستال وەپی بویە، لەناو لویلە شاردیەسەو.
مەرز شەلامچە کەفێدە پارێزگای بەسرە، و یەکیگە لە مەرزەیل سنووری هشکایی ناوەین عراق و ئیران.