شەفەق نیوز/ شارەزایگ کەشناسی عراقی، خەوەردا کە وڵاتەگە لە سوو یەکشەممەو کەفێدە کاریگەری پەڵەی ئەور واراناوی خەسیگ، کە هاتێ لە بەشیگ لە ناوچەیل باکوور و بەشەیلیگ لە ناوڕاس و باشوور وڵات واران رفتیگ بوارێد، کە وارانەگە بەڵاچە وەگەردی تیەێد.
عەلی جابر زیادی شارەزای کەشناسی ئەرا ئاژانس شەفەق نیوز وت: وارانەگە ئەرا نیمەڕو رووژ دووشەممە وسێدەو، و رووژ چوارشەممم دویاترین رووژەیل جەژن رەمەزان چینەیگ ترەک وارێد، و تا کۆتایی هەفتە وەردەوام بوود.
زیادی وتیش: پلەی گەرمی وە بەرزی مینێد، کە رەسێدە نزیک 35 پلەی سەدی لە ناوچەیل ناوڕاس و باشوور عراق.
هەرلیوا، حکومەت عراق، بڕیار پەکخستن دەوام فەرمی ئەرا گشت رووژەیل هەفتەی ئایندە دا، وە بوونەی جەژن رەمەزان.
مەزەنە کریەێد رووژ دووشەممەی لە 31 ئادار بوودە یەکەمین رووژەیل جەژن رەمەزان.