شەفەق نيوز/ سەرچەوەیگ ئەمنی لە زیقار، ئمڕوو شەممە، خەوەردا لە کوشیان دویەتیگ مناڵ دویای زەخمداربوینی لە ئەنجام رویداویگ تلیان، لەناوڕاس شار ناسریە، ناوەند پارێزگاگە لە باشوور عراق.
سەرچەوەگە ئەرا ئاژانس شەفەق نیوز وت: دویەتیگ لە تەمەن 6 ساڵان، لە ئەنجام رویداویگ تلیان لە شار ناسریە نزیک بنکەی پولیس ساهرون.
سەرچەوەگە وتیش: مناڵەگە ئەرا خەسەخانەی گشتی ناسریە کلکریا، و مەوقەی رەسینی لەناو خەسەخانە گیانی لەدەسدا، دیاری کرد کە ماشینیگ مارکەی یوگن تلانیەسەی.
لە رویداویگ هاوشیوە، لە پارێزگای بەسرە، سەرچەوەیگ ئەمنی وت: دەورەیەیل هاتوچو توەنستن رانندەی ماشینیگ دەسگیر بکەێد، کە دویای تلانن مناڵیگ لە ناوڕاس پارێزگاگە وایە.
سەرچەوەگە ئەرا ئاژانس شەفەق نیوز وت: مەفرەزەیل هاتوچو بەسڕە توانستن رانندەی ماشینیگ دەسگیر بکەن، کە مناڵیگ تلانیە لە ناوڕاس پارێزگاگە نزیک چواڕییان سوری، و وایە.
دیاری کرد کە دەسگیرکردن رانندەگە دویای گلەوخواردن ئەرا کامیرایل و وەشوینکەفتن رەسیە ئەنجام، کە شمارەگەی ناسیا، و رەسینە خاوەنی وە وەختیگ پەیمانەیی، وتیش؛ مناڵەگە زەخمدار بویە.