شەفەق نیوز/ دەسەی دەروازە سنووریەیل، ئمروو یەکشەممە، دەسگردن وە بان یەک کیلوگرام مادەی "کریستال" هووشبەر راگەیان کە وە گەشتیاریگ ژن بویە لە دەروازەی شلامجە هاوسنوور ئیران.
دەسەگە لە بەیاننامەیگ رەسیە ئاژانس شەفەق نیوز راگەیان "لە ئۆپراسیۆنیگ جویری دەسەی دەروازەیل لەماوەی 24 ساعەت لە دەروازەی شلامجە دەسگردن وەبان یەک کیلوگرام مادەی کریستال و حەب هووشبەر کە وە ژنە گەشتیاریگ عراقی بوی".
وتیش: "مادە هووشبەرەگە لەناو دەمپاگەی شاردبوی، هەمیش دەسگیریا وەبان حەب ترامادۆل هووشبەر کە شمارەی (3,790) دەنگ حەبە وەرد (4) گرام مادەی (ماریجوانا)، لەناو شال ژنیگ، لە تەقەلایگ سەرنەکەفتی ئەرا قاچاخکردنی و هاوردنە ناو وڵات".
دیاریکرد "لە ئۆپراسیۆنەگە وەلایەن وشێنەرەیل وەڕێوەوەرایەتی دەروازەگە وبەش بەڕەنگاربوین مادەی هووشبەر و بەش تەکنیکی وە هاوکاری وەرد پۆلیس گومرک و مەفرەزەیل k9 و بەش هەواڵگێری ئەنجامدریاس" ئاشکرایکرد " راپۆرتیگ فەرمی ئامادەکریاس و توومەتبار و دەسوەسەرگیریاگەیل ئەرا بنکەی پۆلیس شلامجە کلکریانە ئەرا وەرگدن رێکارەیل یاسایی گونجیاگ".