شەفەق نيوز/ سەرچەوەیگ ئەمنی پایەبەرز، ئمڕوو یەکشەممە، خەوەردا لە پەیاکردن لاشەی پیاییگ کوتکوتکریای لەبان ری بەغداد - کەرکوک لە دەورگرد قەزای خاڵس باکوور دیالە.
سەرچەوەگە ئەرا ئاژانس شەفەق نیوز وت: تەرمەگە هن پیاییگ نەناسیایە تویش تلیان هاتیە وە ماشینیگ کە خاوەنی وەرەو شوین نادیاریگ وایە.
دیاری کرد کە تەرمەگە پارچە پارچە بویە لەوەی رەدبوین چەن ماشینیگ وەبانیەو وە درویژایی شەو.
دووپاتیش کرد کە رویداوەگە تاوان کوشتن نەویە، وەلێ رویداو هاتوچو بویە، دیاری کرد کە ریکارەیل یاسایی جیوەجی کریان ئەرا رەسین وەو ماشینە کە پیاوەگە تلانیە.