شەفەق نیوز/ سەرچەوەیگ لە فەرمانگەی هاتوچو کەرکوک، ئمڕوو سێشەممە، خەوردا لە زەخمداری هەفت گەشتیار وە رویداو هاتوچوی لەبان ری کەرکوک ـ سلێمانی، کە لە بەغدادەو وەرەو هرێم کوردستان هاتبوین.
سەرچەوەگە لە بەیانیگ رەسیە ئاژانس شەفەق نیوز وت "چوار ماشین نوو لەبان ری کەرکوک سلێمانی لەناوچەی ناحیەی قەرەهەنجیر لەیەکەودانە"وتیش "رانندەی ماشینەگە لەوەر خێرای بەرزیگ کۆنترۆل لەدەسداس وەگەرد ماشین ترەک لەیەکەودانە و ماشین سێیەم و چوارەمیش لەبان ری سەرەکیەگە لەیەکەودانە".
سەرچەوەگە وتیش "لەناوەین زەخمدارەیل هەفتیان ئەرا خەسخانەیل کەرکوک کلکریانە، یەک حاڵەت رخدار هەس لەوەر زەخمداریبوین لە سەر و سینگ".
سەرچەوەگە وتیش "پۆلیس لە شوین رویداوەگە ئامادەبوی و دەسکردنە وە لێکۆڵینەوە ریەیل هامشوکردن وازکردنە" وتیش "گشت زەخمدارەیل گەشتیارن لە بەغدادەو وەرەو هەرێم کوردستان هاتنە ئەرا وەسەربردن هچان جەژن".
لەهەمان وەخت سەرچەوەیگ ئەمنی لە پارێزگای بەسڕە، خەوەردا لە زەخمداری پەنج کەس وە رویداو هاتوچو لە دەروازەی پارێزگاگە.
سەرچەوەگە وە ئاژانس شەفەق نیوز وت، "ماشینیگ بارهەڵگر بویچگ، رویوەروی رویداویگ هاتوچوی هاتیە، لە نزیک بازگەی سەدرەت دەروازەی پارێزگای بەسرە پلیایە".
وتیش "لە ئەنجام رویداوەگە 5 کەس زەخمداربوین و ئەرا خەستەخانەی زوبێر کلکریانە".