شەفەق نیوز/ سەرچەوەیگ ئەمنی، ئمڕوو چوارشەممە، خەوەردا کە توومەتباریگ دەسگیرکریا وە توومەت کوشتن ژنەگەی وە فڕەداینی وەناو بیرە ئاوەیگ لە پارێزگای بەسرە باشوور وڵاتەگە.
سەرچەوەگە وە ئاژانس شەفەق نیوز وت، لەدویای قویلەوبوین لێکۆڵینەوە وەرد توومەتبار (س، م، م، ر) لەداڵگبوی ساڵ 2008 کاسپکارە و دانشتگ قەزای زوبێرە لەناحیەی سەفوان شوی قوربانیەگە (آ، ج، ر)، لە گشت بەڵگەیل دان وە ئەنجامدان تاوانەگە دانایە و لەوەر گیچەڵ خێزانی فرەی دایە.
ئاشکرایکرد خریاسە نوای دادوەر لێکۆڵەر و وەپای مادەی 406 لە یاسای سزادان عراقی بەنکریاس.
وەڕێوەبەرایەتی وەرگیری شارستانی پارێزگای بەسرە، دویەکە سێشەممە، راگەیان تەرم ژنیگ لەناو بیر ئاویگ لە بوسانەیل سەفوان دراوردنە.