شەفەق نيوز/ پیاز و ژنیگ گیانیان لەدەسدان، و 9 کەسیش لە یەک بنەماڵە زەخمدار بوین، مناڵیش هاناویان، لە ئەنجام رویداویگ هاتوچو دڵتەزن، ئمڕوو چوارشەممە، لە پارێزگای دیالە.
پەیامنێر ئاژانس شەفەق نیوز وت: رویداوەگە لە ئەنجام پلیان ماشینیگ مارکەی "ستاريكس" بوی دویای تەقیان تایەری، هەناێ لەناو ری بوین وەرەو نەجەف ئەرا سەردان قەور کەسوکارەیلیان.
دیاری کرد کە گشت قوربانیەیل خەڵک قەزای خاڵس بوینە لە پارێزگای دیالە.
لە باشوور عراق، سەرچەوەیگ ئەمنی لە بەسرە ئەرا ئاژانس شەفەق نیوز وت: مناڵیگ لە تەمەن 10 ساڵان کەفتە وەر پەلامار سەگەیل وەرەلا لە قەزای دێر باکوور پارێزگاگە.
سەرچەوەگە وتیش: مناڵەگە وە سەختی لە سەر و پای زەخمدار بویە، و تەندروسیی گەنەو بویە.
سەرچەوەگە وتیش: مناڵەگە لە خەسەخانە خەفتیە، و چارەسەری ئەرای کریەێد.