شەفەق نيوز/ کامیرایل ئاژانس شەفەق نیوز، ئمڕوو چوارشەممە، گوڵەکەی گەناڵخە و زواڵە لە نزیک کۆلێژ وەڕیەوبردن و ئابووری و هونەرە جوانەیل لەناوڕاس شار بەعقووبە ناوەند پارێزگای دیالە توومار کرد.
وە قسەی مەردمیگ کە ئەرا ئاژانس شەفەق نیوز وتن: یە ماوەی درویژیگە کوومەیل زواڵە لەی شوینەیلە هەس، و هەمیشە زیایەو بوود، لەناو نەوین وەرچەویگ لە کارەیل لاوردن گەناڵخە، کە بوو کەن و مەلوموور و مویش و گرزە لەو ناوچە بڵاو کەێد.
هاوڵاتییەیل هوشداری دان کە وەردەوامی کەڵەکەبوین زواڵە لە دەورگرد کۆلێژەیل کاریگەری نەرێنی لەبان ژینگە دیرێد، و داوای دەسوەردان زویوەزوی لایەنەیل حکومەتی پەیوەندیدار کردن ئەرا لاوردن زواڵە و دابینکردن ژینگەیگ گونجیاگ ئەرا خوەنەوارەیل لە کۆلێژ وەڕیەوبردن و ئابووری و هونەرە جوانەیل، و خیزانەیل لە ماڵە نزیکەیل.