شەفەق نیوز/ توێژینەوەیل نوو دەریخستنە کارلێککردن وەرد سروشت جویر گوشگردن لە باڵندە یا باوەشکردن لە دار فیشار دەروینی کەمەوکەێد.
وەپای راپۆرتیگ ماڵپەڕ " eremnews" ئێ جویرە چارەسەرکردنە سەرنجیگ فرە وەدەسهاوردیە، تا ئەو رادە ئیرنگە بریگ پزیشک لە بەریتانیا و ئەمریکا جویر بەشیگ لە بەرنامەی چەودێری تەندروسی دەروینی پێشنیاری کەن.
چارەسەرەگە وەبان بنەمایگ سادە دروسبوی کە چەن خولەکیگ گوشگرید لە مەل دویایی پیاسەیگ وەناو دارکەێد دویایی باوەش دارەیل کەێد ئیەش بوودە هووکار کەمکردن ئاست کۆرتیزۆڵ لە لەش (هۆرمۆنیگە پەیوەنی وە فشار دەروونییەو دیرێد)، دڵسمیەتی هێورکردن دەروین و کەمکردن هویرەوکردن نەرێنی دەێد.
جی باسە چارەسەرەگە لە ژاپۆن وە "چارەسەر دارسان" ناسریاگە، بریتیە لە وەسەربردن وەخت لەناوچە دارسانیەیل هەمیش باوەشکردن وە دار.