English | عربي

دهۆكێ شیانێن به‌رهه‌مئینانا 1189 مێگاواتێن كاره‌بێ هه‌یه‌


دهۆكێ شیانێن به‌رهه‌مئینانا 1189 مێگاواتێن كاره‌بێ هه‌یه‌

2019/06/07 | 21:20

(هەواڵ كوردستان)- ژ به‌ر نه‌بوونا سۆته‌مه‌نیێ ئاریشا كاره‌بێ ل دهۆكێ هه‌یه‌

رێڤه‌به‌رێ گشتیێ كاره‌با پارێزگه‌ها دهۆكێ راگه‌هاند، ل پاریزگه‌ها دهۆك چوار وێستگه‌هین به‌رهه‌م ئینانا كاره‌بی هه‌نه‌، كو شیانێت به‌رهه‌مئینانا 1189 میگاواتێن كاره‌بێ هه‌نه‌، ئه‌گه‌ر سوته‌مه‌نی هه‌بیت.

ژ ڤان هه‌ر چوار وێستگه‌ها ب تنی 55 میگا ل كواشی و 130 میگاوات ل باعه‌دری نوكه‌ د كاری دانه‌، هه‌روه‌سا 325 میگا ژ هه‌ولێر بۆ دهۆك دهێن.

ئه‌ندازیار كه‌مال محه‌مه‌د سالح رێڤه‌به‌رێ گشتیێ كاره‌با پارێزگه‌ها دهۆكێ بۆ (باسنیوز) دیار كر، پارێزگه‌ها دهۆكێ پێدڤى ب 850 مێگاواتێن كاره‌بێ هه‌یه‌ و ئه‌ڤ رێژه‌ ژى ب زه‌حمه‌ت بۆ دهۆكێ بهێته‌ دابینكرن، د ده‌مه‌كیدا، چونكو گه‌له‌ك ئه‌گه‌ر هه‌نه‌ بۆ كێمبوونا رێژه‌یا كاره‌با دهۆكێ، ژ وان ژى، نه‌بوونا هێلا ڤه‌گوهاستنا غازی ل هه‌ولێر بۆ پرۆژه‌یێ به‌رهه‌مئینانا كاره‌با كواشیێ ل دهۆكێ، هه‌روه‌سا نه‌ دابینكرنا گازوایلی بۆ وێستگه‌ها كواشی وه‌كو پیدڤی، لاوازیا هێلێن ڤه‌گوهاستنا كاره‌بێ دناڤ به‌را دهۆك و هه‌ولێر دا، هه‌بوونا چه‌ندین كه‌مپێن ئاوارا و په‌نابه‌ران كو ٧٨ مێگا وات بۆ وان دچن و 45 مێگاوات ژى بۆ به‌رۆكێن شه‌رى دچن.

ل دۆر چاره‌سه‌ریێ ناڤبرى دبێژیت پێدڤیه‌ گازوایل بۆ وێستگه‌ها كواشیێ بهێته‌ دابینكرن ب رێژه‌یا 7 ملیۆن لیتران بۆ هه‌ر رۆژه‌كێ، ب تایبه‌ت ل وه‌رزێ هاڤینێ، یان ژى هه‌یڤانه‌ 7 ملیۆن لیترێن گازوایلێ بۆ خودانێن موه‌لیده‌یان دابین بكه‌ن، یان ژى كار ب چێكرنا هێلا ڤه‌گوهاستنا دناڤبه‌را هه‌ولێر و دهۆكدا بهێته‌كرن و كار ل سه‌ر دابینكرنا غازێ بۆ وێستگه‌ها كواشی بهێته‌ كرن و ئه‌ڤه‌ چاره‌سه‌ریا ب دروستیه‌ و دڤێت بهێته‌ كرن.








نیشانەکردن



زۆرترین






ڤیدیۆ- وێنە





Trending