English | عربي

13 خێزانێن ئێزدی ژ سوریا ڤەدگەرنە دهۆكێ‌


13 خێزانێن ئێزدی ژ سوریا ڤەدگەرنە دهۆكێ‌

2019/06/08 | 15:55

(هەواڵ كوردستان)-

بەرپرسێ‌ راگەهاندنا لقا 14 یا شنگال یا پارتی دیمۆكراتی كوردستان راگەهاند، ب هاریكاریا نڤیسینگەها رەڤاندیێن ئێزدی ل هەرێما كوردستانێ‌، 13 خێزانێن كوردێن ئێزدی كو ژ 70 كەسان پێك دهێن ژ كەمپا نەوروز ل وەلاتێ‌ سوریا ڤەگەریانە شنگال.

 

ئدریس زۆزانی، بەرپرسێ‌ راگەهاندنا لقا 14 یا شنگال یا پارتی دیمۆكراتی كوردستان بۆ (باسنیوز) دیار كر، ب پشتەڤانیا نڤیسینگەها سەرۆكێ‌ هەرێما كوردستانێ‌ نێچیرڤان بارزانی و ب ب هاریكاریا نڤیسینگەها رەڤاندیێن ئێزدی ل هەرێما كوردستانێ‌، شیاینە 70 كەسێن ئێزدی ژ رۆژئاڤایێ‌ كوردستانێ‌ ب ڤەگوهێزنە شنگال و پاشی ئێكسەر بەرەڤ پارێزگەها دهۆكێ‌ هاتینە و گەهشتینە دناڤ كەمپێن ئاواران دا ل ناڤ باوەشا كەس و كارێن خوە دا و نها رەوشا وان یا ئارامە.

 

ئاشكرا ژی كر كو ئەڤ 13 خێزانە هەموو ل سالا 2014 ل دەمێ‌ هاتنا داعش بۆ شنگال و داخستنا رێكا هەرێما كوردستانێ‌ ژ بۆ هەرێمێ‌، ژ ناچاری بەرەڤ سۆریا ب رێكەفت بوون و ل كەمپا نەوروز یا پەنابەرێن كوردێن ئێزدی ئاكنجی ببوون و ژیانا وان گەلەك یا نەخۆش و تەحل بوویە.

 

 

 

 

 








نیشانەکردن



زۆرترین






ڤیدیۆ- وێنە





Trending