English | عربي

مامۆستاكەی زانكۆی ئەمریكی گیانی لەدەستدا


مامۆستاكەی زانكۆی ئەمریكی گیانی لەدەستدا

2019/06/08 | 20:25

(هەواڵ كوردستان)-

خەندان-دوای ئەوەی ئەمڕۆ مامۆستاكەی زانكۆی ئەمریكی لە نهۆمی حەوتەمی شوقەیەک لە شاری سلێمانی کەوتەخوارەوە، ئێوارەی ئەمڕۆ گیانی لەدەستدا، بڕیاریشە سبەی زانكۆی ئەمریكی مەراسیمی ماڵئاوایی بۆ سازبكەن.نەقیب سەركەوت ئەحمەد، وتەبێژی پۆلیسی سلێمانی، بە خەندان-ی راگەیاند،"ئەو مامۆستایەی زانكۆی ئەمریكیی ئەمرۆ لە نهۆمی حەوتەمی یەكێك لە شوقەكانی پاك سیتی كەوتە خوارەوە، ئێوارەی ئەمڕۆ گیانی لەدەستدا.نەقیب سەركەوت وتیشی،"لێكۆڵینەوەكانیان بەردەوامە بۆ دۆزینەوەی هۆكاری روداوەكە، بەڵام هەتا ئێستا هیچ سەرەداوێكیان دەستنەكەوتوە".بەڕێوەبەرایەتی زانكۆی ئەمریكی رایگەیاندوە،"بڕیارە كاتژمێر 2 ی پاشنیوەڕۆی سبەی، مەراسیمی ماڵئاوایی لە مامۆستاكە سازبكەن و هەمو كەسێكیش دەتوانێت بەشداری مەراسیمەكە بكات".کاتژمێر 1:00ى پاشنیوەڕۆی ئەمڕۆ شەممە، مامۆستایەک لە نهۆمی حەوتەمی شوقەکانی پڕۆژی پاک سیتی لە سلێمانی کەوتوەتە خوارە، مامۆستاکە بە رەچەڵەک ژاپۆنی بو و هەڵگری رەگەزنامەی ئەمریکیی بو، لە زانکۆی ئەمریکی وانەی دەوتەوە، دوای روداوەکە رەوانەی نەخۆشخانەی کرا، بەڵام ئەم ئێوارەیە گیانی لەدەستدا.








نیشانەکردن



زۆرترین






ڤیدیۆ- وێنە





Trending