English | عربي

حکومەتی سوریا ماڵی ئاوارەکان و شوێنەگشتییەکان دەتەقێنێتەوە


حکومەتی سوریا ماڵی ئاوارەکان و شوێنەگشتییەکان دەتەقێنێتەوە

2019/06/09 | 12:50

(هەواڵ كوردستان)-

خەندان-رۆژنامەی گاردیانی بەریتانی راپۆرتێكی بڵاوکردەوە و تیایدا ئاماژە بەوە کراوە، حکومەتی سووریا دەستی بە تەقاندنەوەی ماڵ و شوێنی کارکردنی پەنابەران کردوە.بەپێی راپۆرتەکەی گاردیان، تەقینەوەکان زیاتر لەو ناوچانەن کە لەدوای ساڵی 2011 پێگەی بەهێزی خۆپیشاندان بون و دواتر لەلایەن سوپای سوریا و هێزە یارمەتیدەرەکانییەوە کۆنترۆڵکرانەوە. رۆژنامە بەریتانییەکە نووسیویەتی، چالاکوانان باس لەوە دەکەن ئەو کارەی حکومەتی سوریا لە چەند شوێنێک بەرچاودەکەوێت و ترسی ئەوەیان هەیە، حکومەت سوود لە بارودۆخی دوای جەنگ وەربگرێت بۆئەوەی پێگەی خۆی بەهێزبکاتەوە. لە 2011 ـەوە زیاتر لە 12 ملیۆن کەس لە سووریا ماڵ و حاڵی خۆیان بەجێهێشتوەگاردیان باسی لەوەشکردوە، لە 2011 ـەوە زیاتر لە 12 ملیۆن کەس لە سووریا ماڵ و حاڵی خۆیان بەجێهێشتوە، پێنج ملیۆن و شەش سەد هەزار کەسیان وڵاتیان بەجێهێشتووە و شەش ملیۆن و 600 هەزار کەسی دیکەشیان لە ناوخۆی وڵاتدا ئاوارە بوونە، زۆرینەی ئاوارەکانیش یان لایەنگری ئۆپۆزسیۆن بوون یان خۆشەویستیان بۆ ئۆپۆزسیۆن هەبوە. هاوکات، بەپێی راپۆرتێکی پەیمانگای ئەوروپا بۆ ئاشتی سەربە نەتەوە یەکگرتوەکان، لەماوەی مانگی سێپتێمبەر و دیسەمبەری 2018 دا حکومەتی سوریا 344 تەقینەوەی لەشوێنی نیشتەجێبونی هاوڵاتیان و ئاوارەکاندا بەبیانوی سڕینەوەی ئاسەواری جەنگ ئەنجامداوە. 








نیشانەکردن



زۆرترین






ڤیدیۆ- وێنە





Trending