English | عربي

پۆلیسی سلێمانی رونکردنەوەیەکی لەبارەی ڕوداوەکەی شەوی رابردوی مەکۆی سەرەکی گۆڕان بڵاوکردەوە


پۆلیسی سلێمانی رونکردنەوەیەکی لەبارەی ڕوداوەکەی شەوی رابردوی مەکۆی سەرەکی گۆڕان بڵاوکردەوە

2019/06/11 | 15:35

(هەواڵ كوردستان)-

خەندان- بەڕێوەبەرایەتی پۆلیسی پارێزگای سلێمانی ڕونكردنەوەیەكی بڵاوکردەوە و رایگەیاند، بەپێی لێكۆڵینەوە سەرەتاییەكانی پۆلیس دەركەوتوە كە بەهیچ جۆرێك تەقە لە مەكۆی سەرەكی بزوتنەوەی گۆڕان نەكراوە. پۆلیسی پارێزگای سلێمانی رایگەیاندوە، "شەوی ڕابردوو كاتژمێر  1 و 30 خولەكی شەو گرژی و ئاڵۆزی دەكەوێتە نێوان كۆمەڵێك چەكدار و پاسەوان (سكیورتی) نەخۆشخانەی ئەنوەر شێخە ، كە چەكدارەكان ویستویانە بەزۆر بچنە ناو نەخۆشخانەكەوە و چەكدارەكان هێرشیان كردۆتە سەر سكیورتیەكان و تەقە دروست بووە لە بەردەم نەخۆشخانەكە و دور لە مەكۆی سەرەكی بزوتنەوەی گۆڕان ، بەهۆیەوە هاوڵاتی ( ڕ ، ف ) برینداربووە". ئاماژەی بەوەشکردوە، " دوای روداوەکە دەستبەجێ‌ هێزەكانی پۆلیس گەیشتونەتە شوێنی ڕوداوەكەو بریندارەكەیان بۆ نەخۆشخانە گواستۆتەوە بەڵام بەهۆی سەختی برینەكەیەوە گیانی لە دەستداوە".پۆلیس راشیگەیاندوە، " بە پێی لێكۆڵینەوە سەرەتاییەكانی پۆلیس دەركەوتووە كە بەهیچ جۆرێك تەقە لە مەكۆی سەرەكی بزوتنەوەی گۆڕان نەكراوە و تەنها كێشەكە لەنێوان چەكدارەكان و سكیورتی نەخۆشخانەكەدا بووە".رونیشیکردوەتەوە، لەلایەن هێزەكانی پۆلیسەوە لێكۆڵینەوەكان بەردەوامن ،لەداهاتوشدا تەواوی ڕێكارەیاساییەكان بۆ هاوڵاتیان دەخەینە ڕوو.








نیشانەکردن



زۆرترین






ڤیدیۆ- وێنە





Trending